越式牛肉汤河
是咁的........ 米猪爸爸早几日同我讲"好想食生牛河呀......... 睇吓边日出去食先~!" 出街食? 咁咪要响公众地方除低口罩啰?! 隔离枱0个个有病点算?!?!?! NOWAY!!! 你想食, 得! 我整!! 我即刻搵料整!!
为咗唔比个老公出街食饭我可以去到几尽A_A
分类：萝卜菜谱
食材 |
|
|---|---|
| 牛骨 | 3件 |
| 牛展 | 1个 |
| 洋葱 | 2个 |
| 白萝卜 | 1条 |
| 红葱头 | 5粒 |
| 姜 | 1旧 |
| 蒜头 | 5瓣 |
| 芫茜 | 6棵 |
| 肉桂 | 3枝 |
| 荳蔻 | 5粒 |
| 八角 | 4粒 |
| 丁香 | 半汤匙 |
| 鱼露 | 2汤匙 |
| 盐 | 2茶匙 |
| 冰糖 乒乓波size | 1粒 |
| (以下份量整到2碗汤河) | |
| 干河粉 | 1包 |
| 洋葱 | 半个 |
| 芽菜 | 小量 |
| 高质肥牛 | 半磅 |
| |
|---|---|
| 1 | 牛骨, 牛展放姜片及蒜头(材料外)跑活水, 沖干净后备用 ，汤煲冻水+牛骨牛展, 预留约2吋上升水位空间, 煲滚后转小火煲2个钟 |
| 2 | 萝卜去皮切片, 洋葱, 红葱头去衣, 姜原条去皮, 放入牛汤煲内, 煲滚后小火煲1.5小时 |
| 3 | 芫茜洗净后切根连埋茎备用, 粗身冇叶ge茎可以keep埋, 白镬烘香后连蒜头放煲汤袋内, 放入牛骨汤煲30分钟 |
| 4 | 同时间拍扁玉桂, 荳蔻, 连八角, 丁香一齐白镬烘香, 放茶包袋内放入牛骨汤, 加入冰糖, 煲30分钟 捞起洋葱, 红葱头, 姜, 芫茜蒜头袋, 香料袋, 顺便不走D油 (但其实冇乜), 落盐同鱼露调味, 牛骨汤完成~ |
| |
| 5 | 捞出牛展切片备用，半个洋葱切丝, 河粉按包装指示煮熟, 放碗内, 落萝卜, 舖上牛展片, 肥牛, 芽菜(呜....买唔到买唔到买唔到)及洋葱丝 |
| |
| 6 | 将牛骨汤翻滚至大滚后淋汤上去, 一定要对正生牛0个边淋落去，食得~~~ 唔够味可以落鱼露, 唔好落盐 |
| |
| 7 | 米猪都有份食~ 不过佢冇得食生牛, 佢食牛展河~~ 食到唔停口~ 爸爸对住我响屋企变咗碗生牛河出嚟表示震惊~~~ 以后唔好立乱同我讲想出街食D乜乜勿勿喇~ 煮比你食ga~ |
上一篇：麻辣炒冬粉
下一篇：台式汉堡肉排
