佛蹄瓜甘笋栗子粟米汤

近期嘅病菌风波又令到大家都瀰漫着一股担心嘅感觉。
我家嘅长辈们亦不例外，都对小JM嘅健康甚为着紧。
为咗可以令长辈们担心少一啲，
除咗外出时做足预防措施之外，就係要係日常生活及饮食方面落蹄。

因为大小JM都唔会食煲汤肉类嘅关係，我其实都甚少买肉类来做汤料，
一来免却浪费，二来悭钱！
不过普遍长辈都会认为煲汤加肉类係必须，可以令汤变得更鲜甜。
但其实呢个说法对小JM妈而言就唔成立啦！
事实上仲有好多不同蔬果及豆类都係可以带出鲜甜嘅味道，
而红腰豆、粟米、甘笋等都有相同功效架。